Isang Pelikula

Halintulad ng kuwento ng buhay ng naging kaibigang masahista sa baywalk, nakipagsapalarang mamuhay mag-isa ni Jaret sa pag-aasam na matakasan ang lagim ng mga bangungot at hilera ng mga trahedyang gumugupo sa kanyang pagkasino. Sa daigdig na ito ng mga gising na malayo sa mahiwagang babaeng wagas niyang sinisinta, maliligaw sa landas niya o siya sa kanila silang mga nilalang na makatutulong sa kanyang makabuo ng kuwento – isang contortionist sex freak, mga birhen at lagalag, filmmaker na mahilig sa mga pahiwatig, at silang bigla na lamang nililindol, namamatay at tumatagos sa pader.